Паян шкулта аслă вĕрентекенĕмĕр И.Я.Яковлева тата Чăваш чĕлхи кунне халалласа классенче тĕрлĕрен мероприятисем иртрĕç. Чи малтанах ачасем «Сăнарлă чĕлхемĕр – тăван чĕлхе» ятпа хатĕрленĕ И.Я.Яковлев кĕнекисен куравĕпе паллашрĕç, паллă тĕпчевçĕн кун-çулĕ, ĕçĕ-хĕлĕ çинчен  тĕплĕнрех пĕлме  пултарчĕç.

5 класс ачисем И.Я.Яковлевăн «Халал» фонохрестоматине итлерĕç. Чăваш чĕлхине вĕрентекен Н.В.Кириллова  ертсе пынипе çак халала  сÿтсе яврĕç. Халал сăмахĕсене ăша хывма тăрăшрĕç.

 6-9 класра вĕренекенсем  „Кам миллионер пуласшăн?” ăс-хакăл вăййинче тупăшрĕç. Çак вăйă вĕренекенсен кăмăлне  çĕклемеллипех çĕклерĕ, вĕсен пултарулăхне, тавçăрулăхне, пĕлĕвне, тавракурăмне палăртма май пачĕ. Ăмăртура 9-мĕш класра вĕренекен Григорьев Юрий, Скворцов Денис,Егорова Инга тата 7-мĕш класра вĕренекенКузнецов Андрей вăйлăрах пулни палăрчĕ.