Хапăсри вăтам шкулта аслă вĕрентекенĕмĕр И.Я.Яковлева тата Чăваш чĕлхи кунне халалласа çулсеренех тĕрлĕрен мероприятисем ирттересси йăлана кĕнĕ. Кăçал та çаплах пулчĕ. Ака уйăхĕн 22-мĕшĕнчен пуçласа 29-мĕшĕччен Чăваш чĕлхи эрни пычĕ. Çавна май шкулта тĕрлĕ конкурссем, викторинăсем, вăйăсем иртрĕç

· «Сăнарлă чĕлхемĕр – тăван чĕлхе» ятпа  И.Я.Яковлев кĕнекисен куравĕ;

· 5-8 классенче «Чăваш тĕнчи » презентаципе паллашасси;

· 1-11 классенче –  „«Тăван чĕлхе – чăваш чĕлхи» класс сехечĕсем;

         · 5-11 классенче –  Презентацисен конкурсĕ

Тăван тавралăх

Манăн Чăваш енĕм

Чăваш халăхĕн мухтавлă çыннисем

        · 6-9 классенче –  «Кам миллионер пуласшăн» ăс-хакăл вăййи

        · 6-9 классенче –   «И.Я.Яковлев пурнăçĕпе пултарулăхĕ» станцисем тăрăх хатĕрленĕ вăйă;

· 5-6 классенче  И.Я.Яковлевăн «Халал» фонохрестоматине итлени

·  «Çĕр пин юрǎ çĕр-шывĕнче» литературăпа музыка  композицийĕ

Ака уйăхĕн 21-мĕшĕнче  10-мĕш класра вĕренекенсем И.Я.Яковлева халалласа „Чăваш Улăпĕ” хаçат кăларчĕç.

Ака уйăхĕн 25-мĕшĕнче 8-9 класра вĕренекенсем «И.Я.Яковлев – чăвашсене çутта кăлараканĕ, Аслă Вĕрентекенĕ» презентаципе, «Сăнарлă чĕлхемĕр – тăван чĕлхе» ятпа йĕркеленĕ И.Я.Яковлев кĕнекисен куравĕпе  паллашрĕç, паллă тĕпчевçĕн кун-çулĕ, ĕçĕ-хĕлĕ çинчен  тĕплĕнрех пĕлме  пултарчĕç.

Çавăн пекех 6-9 класра вĕренекенсем  „Кам миллионер пуласшăн?” ăс-хакăл вăййинче тупăшрĕç. Çак вăйă вĕренекенсен кăмăлне  çĕклемеллипех çĕклерĕ, вĕсен пултарулăхне, тавçăрулăхне, пĕлĕвне, тавракурăмне палăртма май пачĕ. Ăмăртура 9-мĕш класра вĕренекен Григорьев Юрий, Егорова Инга, Скворцов Денис тата 7-мĕш класра вĕренекен Кузнецов Андрей вăйлăрах пулни палăрчĕ.

Акан 26-мĕшĕнче „И.Я.Яковлев пурнăçĕпе пултарулăхĕ» станцисем тăрăх хатĕрленĕ вăйă иртрĕ. Конкурса 6-9-мĕш классенче вĕренекенсем хутшăнчĕç. Чи маттуррисем , Патриарх пурнăçĕпе пултарулăхне лайăхрах пĕлекеннисем саккăрмĕш класра вĕренекенсем пулчĕç.

Чăваш чĕлхи эрни ирттернĕ май шкулта презентацисен  конкурсĕ пулчĕ. Вĕренекенсем ытларах „Чăваш халăхĕн мухтавлă çыннисем”темăпа ĕçсем хатĕрленĕ. Конкурса уйрăмах 8-9 класс ачисем активлă хутшăнчĕç, çак вĕренекенсем  палăрчĕç.

1-мĕш вырăн – Леонтьева Марина (9 кл.)

2-мĕш вырăн – Егорова Инга (9 кл.)

3-мĕш вырăн – Крючкова Валентина(8 кл.)

Акан 26-мĕшĕнче 6-5 класс ачисем уроксем хыççăн И.Я.Яковлевăн «Халал» фонохрестоматине итлерĕç. Вĕрентекен ертсе пынипе çак халала  сÿтсе яврĕç.Халал сăмахĕсене ăша хывма тăрăшрĕç.

Чăваш чĕлхи эрнинче Хапăс шкулĕнче вĕренекенсем хăйсен пултарулăхĕпе,  маттурлăхĕпе савăнтарчĕç,  чăн-чăн чăваш ачисем пулнине çирĕппĕн ĕнентерме пултарчĕç.