Спорт туризмĕн «Ылтăн карабин» республика турнирĕ Чăваш ен Пуçлăхĕн кубокĕшĕн шкул ачисем хушшинчи Спартакиада йĕркипе иртнĕ. Унта районсенчи, çавăн пекех Мари Эл Республикинчи 300 ытла вĕренекен тупăшнă. Район чысне 27 вĕренекен хÿтĕленĕ, вĕсенчен 12 ача Хапăс шкулĕнчен.

      Вăрнар команди пĕтĕмĕшле зачетра 2-мĕш вырăнта, ял спортсменĕсем хушшинче вара – 1-мĕш. Команда çитĕнĕвне кашниех курăмлă тÿпе хывнă. Пирĕн шкулти Скворцов М. 1 вырăн йышăннă, Мешкова А. тата Петров Н. 2-мĕш вырăнта.

      Вĕренекенсем Львов В. тата Константинов А. тренерсем патĕнче ăсталăха туптаççĕ. Тренерсене, ачасене ăшшăн саламлатпăр, тав сăмахĕсем калатпăр.