Тĕрлĕ профессипе, районти предприятисемпе паллашас тĕллевпе 9, 11 класра вĕренекенсем Вăрнара «Август» фирмăн филиалне çитсе курчĕç. Паянхи кун «Август» фирма Раççейри малта пыракан предприятисен шутне кĕрет.

       Хапăс шкулĕнче вĕренекенсене завод историйĕпе кĕскен паллаштарчĕç. Каччăсемпе хĕрсем тĕрлĕ цехсенче пулса кунти рабочисен ĕç вырăнне, вĕсем мĕнле условисенче ĕçленине хăйсен куçĕпе курчĕç, ĕç дисциплинипе, çĕнĕ техникăпа, оборудованипе паллашрĕç.

        Химзаводăн Ĕç мухтавĕн музейне кĕрсе курчĕç. Музей тĕрлĕ экспонатран пуян. Завод историйĕ куç умне тухса тăрать. Музей заведующийĕ питĕ интереслĕ, ăнланмалла каласа пачĕ. Ачасем тав сăмахĕсем çырса хăварчĕç, асăнмалăх сăн ÿкерĕнчĕç.