Чăваш Енри мухтавлă ентешсемпе паллаштарас, ачасенче паттăрлăх туйăмне аталантарас, ырă ĕçсем тăвас хевтене вăйлатас тĕллевпе 9 класра «2022 çул – Сумлă ентешсен çулталăкĕ» темăпа класс сехечĕ иртрĕ. Класс ертÿçи çак çулталăка халалласа иттерме палартнă мероприятисемпе паллаштарчĕ. «Чăваш Енĕн сумлă çыннисем» викторина иртрĕ. Раççейри виççĕмĕш космонавт А.Г.Николаев пурнăçĕпе тата пултарулăхĕпе тĕплĕн паллашрĕç. Хăй пурăннă чухне илнĕ интервью та ачасен асĕнче юлчĕ. Унăн юратнă юррине, «Вĕç, вĕç, куккук» юрра, юрларĕç».